Заев:Бошњаците се нераздвоен дел од богатството во нашата мултикултурна држава и концептот „Едно општество за сите“
Претседателот на Владата на Република Македонија, Зоран Заев, денеска упати честитка до припадниците на бошњачката заедница во Република Македонија, по повод празникот 28 септември - Меѓународен ден на Бошњаците.
Овој ден, потенцира, го симболизира враќањето на националното име „Бошњак“ и именувањето на вашиот мајчин јазик како босански јазик, вели Заев, е добра можност за да се одбележат културните специфики и вредности на бошњачката етничка заедница во Република Македонија.
- Бошњаците се составен и нераздвоен дел од богатството во нашата мултиетничка, мултикултурна и мултиконфесионална држава, и активно учествуваат во градењето на концептот „Едно општество за сите“, нагласува во честитката премиерот Заев.
Како определба на Владата на РМ да биде посветена на афирмација на културата, посебностите и традициите на секоја заедница во нашата земја, од оваа учебна година, најави тој, во образованието на учениците Бошњаци им е вратено правото на редовна настава на босански јазик.
- Бидете уверени дека остануваме и понатаму посветени на заложбите за натамошната промоција на бошњачката култура и традиција и во создавањето услови за поквалитетен и попросперитетен живот на сите наши граѓани, се подвлекува во честитката од претседателот на Владата.
Заев упати порака сите заедно да продолжиме со спроведувањето на реформите, за развој на економијата и подобрување на стандардот на граѓаните, на промоцијата на можностите за културно и образовно напредување, како вредности патот на нашите европски и евро-атлантски интеграции, и за изградба на силна, модерна и напредна европска Република Македонија.
Ново на Сител
-
Пожар на дел од куќа во Кавадарци
-
Еден отстранет и дисциплинска за петмина полицајци за инцидентот пред тетовската болница
-
Пронајдено двегодишно девојче кое исчезна во Сиднеј
-
Им дал 800 евра а за возврат му ветиле дијаманти, измамен кумановец во Скопје
-
Избоден маж на Бит Пазар поради недоразбирање во сообраќајот
-
Кочанчанец им се заканувал на полицајци преку Фејсбук
-
За дебели пари денес секој е пилот | Стефанија Димеска | ПРОфесија | Sitel Podcast 017
-
Свечена заклетва на 30 слушатели на курсот за офицери на Армијата