Заев: Заложбите за нулта дискриминација, градење, еднакво, праведно и правично општество ги остваруваме и преку ново законско решение
Денеска, на 1 март, го одбележуваме Денот на нулта дискриминација. Ден на Обединетите Нации со кој ги повикаа народите да го слават правото на секој да живее полн достоинствен живот без оглед на возраст, пол, расна и етничка припадност или убедување. Ова е денот кога ја нагласуваме еднаквоста и еднаквиот пристап на сите без исклучок кон човековите права и кон еднаквиот пристап кон општествените ресурси затоа што тие им припаѓаат на сите граѓани на заедницата, напиша на својот фејсбук профил премиерот Зоран Заев.
Заложбите за нулта дискриминација, градење, еднакво, праведно и правично општество, посочува премиерот, ги остваруваме и преку ново законско решение со кое граѓаните добиваат соодветна правна заштита и општество кое ги негува различностите и овозможува услови за развој за сите.
Во новиот текст на Законот за првпат сексуалната ориентација и родовиот идентитет се воведуваат како основи за дискриминација. Со Законот за спречување и заштита од дискриминација, целосно усогласен со правото на ЕУ и меѓународните стандарди и со позитивно мислење од Венецијанската комисија, како и од граѓанските организации, обезбедуваме ефикасна регулатива која воведува принципи на еднаквост и ефикасна заштитата од секаков вид на дискриминација.
Законот го зајакна и капацитетот на Комисијата за спречување и заштита од дискриминација, ги прошири нејзините надлежности во делот на превенција и го фокусираше нивното внимание на активна грижа и заштитата на граѓаните од сите форми на дискриминација, напиша премиерот Заев.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово