Заев: Во вториот круг ќе победиме со сто илјади гласови разлика
Лидерот на СДСМ, Зоран Заев на вечерашниот митинг во Општина Карпош рече дека граѓаните кои не го оствариле своето гласачко право испратиле јасна порака до власта, повикувајќи ги да излезат и да гласаат во вториот круг од претседателските избори.
– Пораката е дека има незадоволство од функционери, од централната, од локалната власт. Им возвраќам, ќе има чистка, секако дека ќе има чистка. После изборите ќе се случат промените. Редот е да ја испратам мојата порака до тие што останаа дома, државата ни е во прашање. Пораката ја испративте, но немојте да ја казнувате државата поради локалната или централната власт, порача Заев.
Нагласи дека во вториот круг, претседателскиот кандидат Стево Пендаровски ќе победи со сто илјади гласови разлика.
– Ова не е борба за Заев, не е борба за СДСМ, ова е борба за татковината. Близината на гласовите вика „се враќа Груевски, се враќа режимот“, тоа не го сака никој, не го сакаат ниту гласачите на ВМРО-ДПМНЕ, потенцираше лидерот на СДСМ.
Посочи оти увиделе каде се направени грешки и, како што рече, тоа се поправливи грешки, никаде немаме направено штети како 11-годишниот режим што ги имаше направено.
– На 5 мај да излеземе сите и да го избереме петтиот претседател на Република Северна Македонија. За пет години да имаме претседател за чиста петка. Повторно ќе се радуваме, ќе блеска и сите ќе бидеме горди на огромните разлики и на големата победа, повика Заев.
Наведе дека на Пендаровски му се потребни гласовите од претседателскиот кандидат Блерим Река, кој испадна во првиот круг од претседателските избори.
– Ни требаат гласовите од Река, да ни требаат сите. Ги покануваме да ни се придружат на концептот на единство. Да се придружиме сите на концептот што не носи рамо до рамо со современиот европски свет, нагласи Заев.
Истакна оти, народот знае дека допрва доаѓаат благодетите, наведувајќи дека чекорат по вистинскиот пат.
– Татковината повикува да излеземе сите заедно. Да гласаме за број три, рече лидерот на СДСМ на трибината во скопската Општина Карпош.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море