Македонија
26. August 2017 - 17:05

Заев во Драч на средба на премиерите од Западен Балкан

Постои политичка посветеност за интензивирање на регионалната соработка на земјите од Западен Балкан и продлабочување на економската соработка, порачаа премиерите на државите од Западен Балкан од неформалниот самит што се одржува во Драч, на кој учествува и претседателот на Владата на Република Македонија, Зоран Заев.

- Заедничкиот настап на економски план на државите од регионот пред Европа ќе значи создавање поголем пазар и поголем интерес за инвестирање во нашите држави, а со тоа и нови инвестиции и нови работни места на нашите граѓани, рече премиерот Заев на собирот во Драч.