Заев в сабота во Драч на неформална средба на премиерите од Западен Балкан

Претседателот на Владата на Република Македонија Зоран Заев на 26-ти овој месец ќе учествува на неформалната средба на претседателите на влади на земјите на Западен Балкан посветена регионалната интеграција, што ќе се одржи во Драч, Албанија, соопшти владината прес-служба.

Покрај премиерите на државите од регионот, ќе учествуваат и комесарот проширување на Европската унија Јоханес Хан и потпретседателот на Светска Банка за Европа и Централна Азија, Сирил Милер.

На средбата во Драч, чиј домаќин е албанскиот премиер Еди Рама, ќе бидат одржани неколку работни сесии на теми поврзани со регионалната соработка и за зајакнување на интеграциските процеси на Западен Балкан.