Заев-Терлечки: Полска наскоро ќе го ратификува Пртотоколот за НАТО, поддршка за интеграција и во ЕУ
Полска ја поддржува евро-атлантските интеграции на Република Северна Македонија, а полскиот Парламент наскоро ќе го ратификува Протоколот за прием на земјата во НАТО, било истакнато на денешната средба во Владата на премиерот Зоран Заев и заменик-претседателот на Парламентот на Полска, Ришард Терлечки.
На средбата, како што соопшти владината прес-служба, констатирано е дека Република Северна Македонија е подготвена да направи напредок и во европските интеграции. Заеднички пак е констатирано дека потребно е да продолжат политиките на проширување на Европската Унија.
– Наша аспирација е на Самитот во јуни, во ЕУ, по 14-годишен кандидатски статус да добиеме датум на почеток на преговорите со ЕУ. Се надеваме дека континуираната поддршка на нашата земја, од нашиот голем пријател, Република Полска, ќе се потврди и во јуни, а ние работиме на аргументите да ја заслужиме таа поддршка, рече премиерот Заев.
Заев посочил дека нашата држава важи за позитивен пример, како низ дијалог се решаваат важни прашања со соседите, низ градење пријателство и заедничка иднина. Тој дополнил дека реформите успешно се спроведуваат. Според него, решавањето на крупните политички прашања, процесот на прием во НАТО и охрабрувањата за приближување кон ЕУ даваат резултати и на економски план, како што е зголемувањето на странските инвестиции за четири пати во 2018 година, во однос на 2017 година, намалувањето на невработеноста, растот на индустријата и БДП, што води кон мотивација на младите да останат да живеат и работат во родената земја.
– Пред избори сме за петтиот претседател на државата и веруваме дека со свесност и одговорност од сите ќе покажеме дека оваа земја има сериозни демократски капацитет, нагласил Заев.
Премиерот Заев упатил покана за официјална посета на премиерот на Република Полска Матеуш Моравецки.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп