Македонија
6. May 2021 - 12:38

Заев се вакцинираше со кинеската вакцина „Синофарм“

Премиерот Зоран Заев денеска на пладне во пунктот на спортската сала „Борис Трајковски“ се вакцинираше против Ковид-19.

По вакцинацијата, Заев во изјава за медиумите рече дека се вакцинирал со кинеската вакцина „Синофарм“.

Тој истакна дека одлично се чувствува и дека сите вакцини се безбедни.

„Ја примив вакцината на Синофарм. Ќе ја продолжам мојата дневна агенда попладне. Ги повикувам сите да се пријават на сајтот „вакцинација.мк“. Вакцините се безбедни. Колку побрзо заврши процесот на имунизација, толку побрзо ќе заврши оваа борба со овој невидлив непријател. Нема никаков проблем при имунизација на населението“, рече Заев.