Заев-Ривлин: Можности за интензивирање на безбедносната и економската соработка
Демократската и реформска Влада во Македонија отвора можности за интензивирање на безбедносната и економска соработка со Израел, заклучиле на денешната средба премиерот Зоран Заев и израелскиот претседател Руевен Ривлин, во рамки на официјалната посета на Израел на македонската владина и бизнис делегација.
- Постои искрено пријателство меѓу Македонијано и меѓу граѓаните на двете држави. Република Македонија и Република Израел немаат отворени прашања. Затоа има можности за интензивирање на соработката, констатирано е на средбата, соопшти прес-службата на Владата на РМ.
Израелскиот претседател Ривлин ги поздравил демократските промени во Македонија и реформските определби на новата Влада, коишто отвораат можности за односите меѓу двете земји.
- Владата е насочена да обезбеди квалитетен живот на граѓаните и мотивација младите да останат да работат и живеат во родната земја. Интеграциите во ЕУ и НАТО и продлабочувањето на односите со пријателските држави, како со Израел, многу ќе придонесе кон тоа, рекол премиерот Заев
Како што навел премиерот Заев, искуствата на Израел на безбедносен и економски план се драгоцени и ќе бидат земени предвид од новата Влада во Македонија.
- На средбата е изразена заедничка определба за активности кон заштита на светскиот мир. Исто така договорени се чекори кон економско поврзување на двете земји, стои во соопштението.
Според најавата, премиерот Заев денеска ќе се обрати на Израелскиот совет за меѓународни односи, како и на Бизнис форумот чиј организатор во Ерусалим е Владата на Република Македонија.
Предвидено е утре премиерот Заев да се сретне со домаќинот, неговиот колега, израелскиот премиер Бенјамин Нетанјаху.
Премиерот Заев во Израел е придружуван од вицепремиерот и министер за внатрешни работи, Оливер Спасовски, вицепремиерот за економски прашања Кочо Анѓушев, како и министрите за економија, Крешник Бектеши и за земјоделство, шумарство и водостопанство, Љупчо Николовски, кои исто така ќе имаат одделни средби во рамки на ресорните области.
Ново на Сител
-
Медиуми: УЕФА ќе дозволи 26 фудбалери на ЕУРО2024
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право