Заев: Нека е честит Денот на Републиката, Да живее Република Северна Македонија!
„Денеска сите го празнуваме нашиот најголем државен празник 2 Август – Денот на Републиката. На Илинден во 1903 година – со Илинденското востание и Крушевската Република, а потоа и во 1944 година со АСНОМ – Првото заседание на Антифашистичкото Собрание на Народното ослободување на Македонија, се поставија столбовите на Републиката и на државноста.
Во Пелинце, во Крушево и на сите други историски места, се сеќаваме на жртвата на илинденските востаници, на хероите на НОБ, на актерите на независноста и ги чествуваме историските случувања преку двата Илиндена во 1903 и 1944, коишто го одразуваат континуитетот на државотворната историја и стремежот на народите на нашата земја да создадат сопствена држава, еднаква во друштвото на народите.
Илинден е постојан процес кодиран во духот на Македонците, Албанците, Ромите, Турците, Србите, Власите, Бошњаците, и на сите народи кои живеат, творат и се борат за подобро утре во нашата татковина.
Нека е вечен споменот на двата Илиндена!
Нека е честит и вековит Денот на Републиката!
Да живее Република Северна Македонија! “, напиша Заев на својот Фејсбук профил по повод Илинден.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми