Македонија
30. April 2019 - 20:31

Заев на средба со граѓани во Шуто Оризари повика на масовна излезеност на изборите

 

Претседателот на СДСМ и премиер Зоран Заев денеска на средба со граѓани во скопската општина Шуто Оризари повика на масовна излезеност на 5 мај и успешни претседателски избори.

-Пред неколку часа дојдов од Берлин, тука прво ќе ја соопштам веста. Ќе отвориме преговори со ЕУ, тоа значат пари, фондови, систем, перспективи. НАТО и ЕУ не се мачкаат на леб, но носат леб. Затоа сите земји се стремат да бидат членки на НАТО и ЕУ, а еве ние веќе стануваме членка на НАТО. Не ни треба нов блокатор. Силјановска би била нов Иванов, да дадеме поддршка за Стево Пендаровски, повика претседателот на СДСМ и премиер Заев.

Тој укажа дека Република Северна Македонија се развива како едно заедничко општество за сите граѓани, од сите етнички заедници, кон НАТО и ЕУ, дека сме на вистинскиот пат како земја.

Потсети на последиците од, како што рече, режимот,  на кој е кандидатка Силјановска и сака само амнестија на Груевски.

Тој најави пакет социјални мерки, како што е зголемувањето на социјалната поддршка за социјално загрозените семејства од 2.600 денари на над 12.000 денари.

Аапелираше да го сочуваме единството, зашто, како што рече, среќа за сите во државава и задржување на младите е можна, само по овој пат со Стево Пендаровски како претседател на државата.