Заев на средба со директорот на ГИЗ: Од заедничка соработка очекуваме зајакнување на институционалните и економските капацитети на земјата
За значењето на континуираната соработка и поддршка што Северна Македонија ги добива од Германското друштво за интернационална соработка (GIZ) во процесите важни за јакнење на институционалните и економски капацитети на државата беше разговарано денеска на средбата на премиерот Зоран Заев со директорот на ГИЗ за земјава, Давид Оберхубер.
На средбата, како што се наведува во соопштението се зборувало и за иницијативите и поддршката што Германија и ја пружа на земјава и преку експертизата на советникот Валтер Дефа, делегиран од канцеларката Ангела Меркел во неколку клучни економски области. Станува збор за координација на економските политики, балансиран регионален развој, енергетика и политики за климатски промени, а како најважна област на која во иднина ќе се посвети посебно внимание беше посочено подигнувањето на конкурентноста особено кај малите и средни претпријатија за нивно побрзо вклучување на меѓународните пазари.
-Најголемиот фокус на Владата е економијата. Нашата клучна определба е како држава да ги поддржиме сите процеси коишто значат подигнување на конкурентноста на приватниот сектор, преку низа мерки коишто ги спроведуваме низ Планот за економски раст и преку мерки за поддршка на раст на конкурентноста преку Министерството за економија. Вашата помош и експертиза за нас се многу значајни и очекуваме од соработката со советникот Дефа и Германското друштво за интернационална соработка да постигнеме резултати кои ќе значат зајакнување на институционалните и економските капацитети на земјата, рече премиерот Заев.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка