Македонија
22. October 2017 - 14:04

Заев на 20. Тортијада на Здружението на лица со инвалидитет „Мобилност“

Премиерот Зоран Заев синоќа се обрати на 20. „Тортијада 2017“ што се одржа во Банско, во организација на Здружението на лица со телесен инвалидитет „Мобилност“ од Струмица. 

Како што соопшти владината прес-служба, Заев им ветил поддршка на членовите на ова Здружение и им посакал успех на учесничките на Тортијадата. 

- Верувам дека бројката беше едноцифрена кога првпат присуствував овде, а сега сме на 20-та Тортијада затоа што си ветивме дека без разлика каде не носи патот во нашиот живот, остануваме заедно да го споделуваме задоволството од она што претставува традиција, од она што претставува вредност преку дружењето, да градиме пријателства коишто навистина се вредни и на коишто сите им се радуваме, истакнал Заев. 

Премиерот изразил задоволство што е дел од манифестацијата и што се дружи со лицата од „Мобилност“.

- Ве сметам за искрени пријатели. Стоиме на располагање меѓусебно да си помагаме и да се поддржуваме заради тоа што навистина животот е полесен кога градиме пријателства и кога меѓусебно си помагаме, истакнал Заев на манифеастациајта.