Заев: Ќе се интензивира економската соработка со Турција
Соработката меѓу Македонија и Турција ќе се интензивира, ќе се работи на зголемување на трговската размена меѓу двете земји, но и на нови инвестиции кои се важни за економскиот раст, порача денеска премиерот Зоран Зааев на средбата со делегацијата од Стопанската комора на Македонија - Турција (МАТТО).
Заев ги повика домашните компании, членки на МАТТО, да влезат, како што рече, во нови инвестиции за кои ќе добијат силна помош и поддршка од државата.
- Успехот на работењето на новата Влада го гледаме преку успехот што ќе го постигнуваат приватните компании и бизнисот. Наша цврста определба е да работиме како ваш сервис, да ги решаваме проблемите, но и да ги отвораме перспективите за нови инвестиции и развој на вашите бизниси. Веруваме дека ако бизнисот оди напред, ќе се отвораат шансите за квалитетен животен стандард на сите граѓани. Владата работи на градење стабилна и предвидлива бизнис клима за да можете вие и вашите компании слободно да планирате, да градите стратегии но и храбро да влегувате во нови инвестиции, истакна премиерот.
Според него, постои голем интерес за поволностите и поддршката што ги обезбедува Владата во планот за економски раст, еднакво и за домашните и за странските инвеститори.
Претставниците на МАТТО, предводени од претседателот на Комората Ајдован Адемоски, изразија поддршка на економските владини политики и очекувања за плодна соработка во иднина.
На средбата присуствуваа и вицепремиерот Кочо Анѓушев, како и советниците на Заев за економија, здравство, енергетика и земјоделство.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка