Заев: Изборите се крајна опција - Столтенберг: Нема план Б за Македонија
Не постои план Б за влез во НАТО, без договорот за името, порача од Белград генералниот секретар на Алијансата. Но, одлука граѓаните и демократските институции во земјата треба самите да ја донесат, истакна Столтенберг.
- Цврсто верувам дека она што земјата треба да го направи сега е да донесе одлуки за натамошните чекори. На Владата и на Собранието е да ги донесат тие одлуки. Да решат како ќе одат напред, како да реагираат на референдумот и на сите политички импликации и последици што тој ги донесе, изјави Столтенберг кој денеска е во посета на Србија.
Столтенберг посочува дека штом договорот со Грција ќе се имплементира , процесот на пристапување ќе биде брз , бидејки веќе се отпочнати преговорите за членство. Тој уште еднаш повтори дека се работи за историјска шанса и прилика која не смее да се пропушти.
И на премиерот Заев му се брза. Колку побргу се ооплементира доворот толку подобро ќе биде и за Скопје и за Атина, вели тој во интервјуто за Еуроњуз на грчки јазик,. Изборите, според него, не и се потребни на МАкедонија туку собраниско мнозинство.
- Пораките од комесарот Хан и целата европска заедница се јасен поттик кон пратениците да го завршат тоа што беше започнато и очекуваме тоа да се случи. На тоа се фокусираме, бидејќи сум убеден дека и опозицијата го поддржува патот кон Европската унија и НАТО. Немам никаков сомнеж за ова. Она што треба да се случи е да запрат политичките пресметки за да го завршиме овој процес за нашата земја. Денови се во прашање. Се прават консултации, јас разговарам, пратениците разговараат меѓу себе, раководството на владејачката партија, но и на партиите што се во владата од албанскиот блок, разговараме со пратеници и веруваме дека е можно и ќе направиме сѐ за да успееме, објаснува македонскиот премиер во кусото интервју за „Еуроњуз”.
Заев открива дека грчкото и макеоднското мнр се во постојан контакт, но и владите на двете земји, а во фокусот е натамшната имплементација на договорот од Преспа.
-
Сања Сеизова Мрмова
Сите содржини од овој новинар