Заев-Герберих: Поддршка од Германија за интеграција на Македонија во ЕУ и НАТО
Премиерот Зоран Заев денеска се сретна со Томас Герберих, амбасадор на Република Германија во Република Македонија, соопшти владината прес-служба.
На средбата се поздравени реформските чекори на Република Македонија и добрососедските односи, што водат кон остварување на стратешките евро-атлантски цели на државава.
Германскиот амбасадор Герберих пренесе поддршка од Република Германија за евро-атлантските аспирации на Република Македониј. Истакна дека Македонија ја има мнозинската поддршка и од германскиот Бундестаг за пристапување на земјава во Европската унија.
Амбасадорот Герберих соопшти дека пратениците од германскиот Бундестаг се вратиле во Германија со позитивни импресии од посетата на Македонија, за конструктивните политики низ коишто се решаваат прашањата важни за напредок на државата.
- Владата е цврсто определена кон политики што ќе овозможат квалитетен реформски процес за доброто на граѓаните и за отворање на перспективите кон ЕУ и НАТО. Очекуваме во следните три месеци поместувања на тој пат, рече премиерот Заев.
На состанокот се разговараше и за важноста на Дигиталниот самит што ќе се одржи оваа недела во Скопје, како и за инвестициските можности што треба да придонесат кон економски развој на Република Македонија, се вели во соопштението од владината прес-служба.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми