Заев: Добредојдени се инвестициите за социјалното домување, во болничките капацитети и во обновливите извори на енергија
Премиерот Зоран Заев, придружуван од директорот на Агенцијата за странски инвестиции, Дарко Николовски, денеска прими бизнис делегација од меѓународната компанија YIDA Construction.
Како што соопшти владината прес-служба, претставниците на компанијата на средбата ги изложиле своите планови за инвестирање во неколку сегменти во Република Македонија. Тие понудиле концепт за инвестирање во доменот на социјалното домување, идеи за инвестирање во болнички капацитети и медицински високообразовни институции, како и концепт за инвестирање во капацитети за обновливи извори на енергија.
Премиерот Заев ги поздравил нивните напори да ги истражат потребите на македонското општество и своите намери за инвестирање да ги стават во конкретни сегменти од кои Македонија има голема потреба и интерес за развој. Додал дека Владата ќе работи на создавање на услови за непречено инвестирање во овие области.
- Нашата земја е отворена за секоја можност за инвестирање и за развој на нашето општество. Ова е само првиот чекор и се надевам дека ќе наидеме на поголем интерес кај инвеститорите за инвестиции во оваа насока, исто како и во областа на електрониката и роботиката, истакнал премиерот Заев на средбата.
Премиерот ги охрабрил потенцијалните инвеститори да продолжат со развој на своите идеи и предлози и да останат во контакт со сите релевантни институции во земјата до остварувањето на следните конкретни чекори кон реализација на нивните предлози.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово