Заев - Данчила: Романија останува посветена на поддршката на Западен Балкан
Во рамки на еднодневната посета на Софија по повод Седмиот самит на шефови на влади од процесот на соработка на Народна Република Кина со земјите од Централна и Источна Европа (16+1), премиерот Зоран Заев и македонската владина делегација остварија средба со премиерката на Романија, Виорика Данчила и со романската владина делегација.
Како што соопшти владината прес-служба, премиерката Данчила изразила силна поддршка за евроатлантските аспирации на Република Македонија и во тој правец порачала дека Романија како претседавач со Европската унија од јануари 2019 останува посветена на поддршката за земјите од Западен Балкан.
Премиерката Данчила ја нагласила цврстата определба Романија да и помогне на Република Македонија со советодавна и техничка помош во предпристапниот процес.
Во однос на претстојниот Самит на НАТО којшто ќе се одржи следната недела во Брисел, премиерот Заев рече дека Република Македонија очекува покана и почеток на пристапни разговори за членство во НАТО алијансата, а поддршката што Романија и ја пружа на земјата во овој процес ја оцени како исклучително важна.
На средбата се разговарало за иницијативата за заедничка организација на Бизнис форум како чекор којшто ќе води кон интензивирање на економските релации и билатералната соработка помеѓу двете земји
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка