Заев-Чаба: Поддршка од Канада за интеграцијата на Македонија во НАТО
НАТО интеграциите на Македонија ќе бидат значаен придонес кон стабилноста и безбедноста во државата, но и на целиот регион, истакнале на денешната средба премиерот Зоран Заев и канадската амбасадорка за Македонија Кетлин Чаба.
- Канадската амбасадорка Чаба ги поздрави чекорите на стабилност што ги направија премиерот Заев и новата Влада по политичката криза во земјата, низ ефективниот реформски процес и добрососедските односи. Амбасадорката Чаба пренесе поддршка од Канада за интеграциите на Република Македонија во НАТО, соопшти по средбата владината прес-служба.
Заев и Чаба се заложиле за унапредување на соработката помеѓу двете држави, посебно во делот на економијата и можностите за инвестирање.
Канадската амбасадорката соопштила дека има заинтересирани бизнисмени од Канада за инвестирање во Македонија и договорено е, соработката, поактивно да продолжи низ дефинирање на областите од заеднички интерес.
Заев од своја страна рекол дека се прави се што е потребно за реализација на стратешките цели на Република Македонија, интеграциите во НАТО и ЕУ, на кој план очекува значителни поместувања.
Ново на Сител
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас
-
Преглед на вестите од светот
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид