Заев: Балканот е сменет за подобра иднина на младите
Балканот веќе е сменет и се затвораат сите отворени прашања во насока на обезбедување подобра иднина на младите генерации во државите, им порача премиерот Зоран Заев на средбата на дваесеттината млади луѓе кои во организација на Европското движење - Нови Сад, Европскиот фонд за Балкан и амбасадата на Република Австрија во Македонија се на турнеја низ Балканот по повод австриското претседателство со ЕУ.
Премиерот основен акцент стави на постигнатите договори со Република Бугарија и Република Грција кои, како што рече, се плод на пријателство и помирување, а сепак ја гарантираат посебноста и разликите на нашите народи.
- Се надеваме дека ќе направиме подобра иднина за нашите деца. Нашата цел е Европската Унија. Веруваме во европските вредности, можеби повеќе и од некои земји членки на Унијата. Да се верува во стабилност, безбедност, силни институции, кои ќе ги изградиме заедно со вас младите, значи да се верува во иднината, рече премиерот Заев на средбата.
Австриската амбасадорка во Македонија Ренате Коблер, која присуствуваше на средбата истакна дека присуството на премиерот Заев на денешната средба е знак на поддршка на овој проект и дека тоа е знак дека тој е на иста линија со младите луѓе кои шират европски вредности на помирување.
- Во текот на средбата на премиерот Заев му беше пренесена порака дека има силна поддршка од младите луѓе од земјите од Западен Балкан и Европа за чекорите што ги презема во насока на решавање на чувствителните прашања кои го оптоваруваат регионот, се вели во соопштението од владината прес-служба.
Исто така беа пројавени иницијативи за поголемо вклучување на младинските организации во имплементирањето на постигнатите договори, кои, како што беше речено, ќе придонесат за зголемување на позитивните ефекти и аспекти, посебно од постигнатиот договор со Република Грција, преку вмрежување во заеднички проекти во насока на интензивирање на соработката во повеќе сфери од општеството.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација