Свет
18. November 2016 - 10:24

Заеднички воени вежби на САД и на Кина за хуманитарна помош

Армиски единици од Кина и на САД одржуваат денеска во Кунминг на југ во Кина, заеднички воени вежби со цел подобро координирање на одговор на хуманитарна катастрофа и изградба на доверба меѓу двете војски.

Американско-кинеските вежби од тој тип се организираат од 2005 година како дел од напори со цел изградба на доверба и координација во момент кога двете влади често се спротиставуваат поради спорови во Јужното Кинеско Море и на други места.

Вежбите ќе траат една недела. Покрај тие вежби, војските на САД и на Кина одржуваат заеднички поморски вежби во близина на хавајскиот брег и други ограничени мултинационални вежби претежно насочени на помош во хуманитарни катастрофи.