Македонија
15. February 2021 - 17:05

За секоја примена вакцина ќе се издава потврда, тимовите ги поминале обуките

Само оние граѓани кои ќе примат две дози од вакцината против Ковид 19 ќе можат да патуваат во странство. Директорот на здравствен дом Скопје вели закажувањето оди строго преку веб порталот Вакцинација.мк и мој термин. Втората доза ќе се прима по 21 ден од првата. Имунизацијата ќе се врши во неколку скопски поликлиники и тоа во две смени. Дневно  по околу  200 граѓани ќе можат да дојдат на ред за вакцина во секој од диспанзерите.

Исијановски очекува во депото на клиниката Битпазар да пристинат над 100.000 вакцини по што ќе се распределат во главниот град. Медицински тимови од тројца лекари и  три медицински сестри ќе ги аплицираат вакцините за што веќе ја поминале обуката. 

Како член на комисијата за заразни болести Исијановски за сега вели не се предвидени нови рестриктивни мерки но се зависи од состојбата со новозаразени. Вакцината не ги штити 100 проценти граѓаните иако ќе допринесе населението да се чувствува по релаксирано, но се додека се на сила мерките, ќе носат маски.