За неполн месец трет пожар на депонијата во Македонска Каменица

Доцна попладне екипи на Територијалната противпожарна единица спречија ширење на огнот кој по кој знае кој пат повторно ја зафати градската депонија во Македонска Каменица. Во гаснењето на пожарот како што информираше Малин Трајчевски, командир на ТППЕ од Македонска Каменица учествувала и крупна механизација од Јавното претпријатие „Камена Река“.

 

-Денес повторно интервениравме на пожар кој избувна кај депонијата во Македонска Каменица. Ширењето на огнот беше спречен од нашата брза интервенција, за која имавме помош од крупна механизација од ЈП Камена Река. И овој пат, сметаме дека станува збор за подметнат, односно намерно предизвикан пожар, соопшти Трајчевски.

 

Пожарникарите од Македонска Каменица, се уште немаат одговор поради кои причини несовесните се решаваат за предизвикување на ваквите недозволени дејства. ТППЕ од Македонска Каменица апелира до граѓаните доколку забележат вакви случаи на недозволено палење на оган на отворен простор, истите навремено да биде пријавени.

 

Случајот и овој пат е пријавен во полиција, од каде е најавена соодветна истрага.