За наградата „Даница Ручигај“ во ДПМ пријавени 12 стихозбирки
За наградата „Даница Ручигај“, што се доделува за најдобра стихозбирка од авторка, членка на Друштвото на писателите на Македонија, досега се пријавени 12 поетски книги.
Од ДПМ во денешното соопштение посочуваат дека бројката на делата што ќе конкурираат за ова признание ќе биде поголема со оглед на претстојниот Саем на книгата за кога се очекуваат нови изданија.
Во конкуренција за наградата „Даница Ручигај“ ќе влезат стихозбирките објавени од 30 април 2015 до 30 април 2016 година. Книгите до ДПМ авторките и издавачите треба да ги достават во по четири примероци најдоцна до 5 мај.
Наградата „Даница Ручигај“ ќе биде врачена на посебна свеченост во Друштвото на писателите на Македонија, во текот на јуни. Доделувањето на ова признание е дел од активностите на Клубот на писателките, членки на ДПМ, што го носи името на познатата македонска поетеса Даница Ручигај.
Наградата „Даница Ручигај“ беше востановена минатата година. Прва добитничка на ова признание е поетесата Елена Пренџова за книгата „Политички коректна поезија“.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.