За дечињата на Детската клиника подгответе пакетчиња што не содржат храна
Од Клиниката за детски болести апелираат новогодишните чоколадни пакетчиња за децата кои се лекуваат на Клиниката, годинава да бидат заменети со подароци кои не содржат храна.
-Во пресрет на Новогодишните и Божиќни празници, сите вие кои традиционално во овој период не посетувате, со убава мисла и подароци за нашите најмили, ве замолуваме, годинава, новогодишните чоколадни пакетчиња да ги замените со подароци кои не содржат храна, се наведува во соопштението од директорката на ЈЗУ Клиника за детски болести, Катерина Ставриќ.
Голем дел од децата кои се лекуваат на Клиниката за детски болести, како што посочува Ставриќ, не се во здравствена состојба која дозволува конзумација на чоколади, бомбони и грицки.
– Затоа, препорачуваме во овој предновогодишен период да ги израдуваме нашите пациенти и да го направиме нивниот престој поубав со малку поинакви подароци, вели Ставриќ и изразува благодарност до сите за хуманоста и желбата да донесат насмевка во болничките соби и ходници.
Ново на Сител
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина