Ракомет
23. January 2018 - 22:29

Вујовиќ: Нема тука магија, зависиме од мечот на Македонија против Чешка

Денес, Словенците ја победија Шпанија (31-26) и останаа „живи“ за место меѓу најдобрите четири екипи.

Селекторот на Словенците по големиот триумф над европскиот вицепрвак беше скромен и му честита на противникот за одиграниот меч.

„Честитки за Шпанија за добрата игра на еден ваков голем меч. Нашиот голман му даде сигурност на нашиот тим со своите одбрани на почетокот. Ништо специјално не направивме, сега само го чекаме конечниот резултатот од дуелот Македонија и Чешка, од кој и зависиме. Тие доста грешеа, бидејќи сакаа побрзо да ја стигнат нашата разлика. Тоа го искористивме и на крај се радувавме на победата. Нема тука некаква магија“, изјави Црногорецот.