Вучиќ: Влада до крајот на август
Претседателот на Србија, Александар Вучиќ изјави денес дека мандатарот за состав на новата Влада на Србија ќе се знае „ден или два по средбата со премиерот на Косово Албин Курти“ на 18. август во Брисел, јави дописникот на МИА од Белград.
Како што рече срспскиот претседател, „мандатарот нема долго да работи“, односно „брзо ќе ја предложи Владата“.
-Мислам дека таа ќе биде во Собраниета пред крајот на август. Инаку рокот за состав на Владата е 2 ноември, а дали ќе биде 28 или 29, важно е да биде добра Влада, изјави Вучиќ.
Тој додаде дека во текот на денот ќе разговара со претседателот на Социјалистичката партија на Србија (СПС), Ивица Дачиќ, кој е „потенцијален коалициски партнер“.
Конститутивната седница на Собранието на Србија се одржа на 4 август и од тој датум почна да тече рокот од 90 дена за формирање на Влада.
Вучиќ кога положи заклетва за вториот претседателски мандат изјави дека владата ќе биде формирана до крајот на јули.
Парламентарните избори се одржаа на 3 април и ова е еден од најдолгите периоди за формирање на Влада во Србија.
Во недостиг на официјални информации медиумите шпекулираат кој ќе биде премиер, а кој министри.
Според информациите на весникот Данас, премиер би можел да биде актуелниот амбасадор на Србија во САД, Марко Ѓуриќ, а актуелната премиерка Ана Брнабиќ би била министер за надворешни работи. Според овој весник, ова се резултати од консултациите во рамките на СНС, кои почнаа неделава. Таа партија ќе предложи и мандатар за владата врз основа на мнозинството што го има во Собранието.
Се уште не е потврдено дали во новата влада ќе биде СПС, актуелниот коалициски партнер на Српската напредна странка. Лидерот на СПС Ивица Дачиќ претходно изјави дека би сакал да ја продолжи соработката, но дека тоа зависи од СНС.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово