Вучиќ следниот месец ќе ја посети Москва
Претседателот на Србија Александар Вучиќ на покана на рускиот претседател Владимир Путин следниот месец ќе ја посети Москва.
Поканата од рускиот претседател, како што се наведува во краткото соопштение на Службата за соработка со медиумите на српскиот претседател, на Вучиќ му ја врачил амбасадорот на Руската федерација Александар Чепурин и таа треба да се оствари веќе наредниот месец, кон средината на декември.
Вучиќ ја прифатил поканата, истакнувајќи дека е од особено значење можноста што ќе ја има со рускиот претседател да разговара за билатералните односи, унапредување на политичкиот дијалог,економската и енергетската соработка.
Притоа, Вучиќ и Путин ќе разговараат и за односите во регионот на Западниот Балкан, Европа, како и за глобалната политичка и економска состојба, се истакнува во соопштението.
Српскиот претседател најави дека ќе изрази благодарност за многу добрата воено-техничка соработка, која се покажала и преку набавката на шестте авиони МиГ-29.
Тоа ќе биде втора посета на Вучиќ на Руската Федерација во текот на годината. Тој, во пресрет на пролетните претседателските избори во Србија оствари средба со претседателот Владимир Путин.
Пред четири дена, рускиот претседтел во Москва го одликува поранешниот српски претседател Томислав Николиќ со орден за пријателство, за јакнење на стратешкото пријателство и врските меѓу Русија и Србија.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри