Вучиќ се врати во Косовска Митровица, ова е неговата прва изјава по инцидентот
Српскиот претседател Александар Вучиќ се откажа од посетата на селото Бање во регионот на Дреница, откако косовската Влада му ја повлече дозволата за посета на таа област во која се одржуваат протести на ветераните на Ослободителната војска на Косово (ОВК).
Вучиќ се обиде да го посети селото по споредни патишта, но беше запрен од косовската полиција и вратен назад.
Откако беше запрен од полицијата, српскиот претседател замина кон Митровица, а со жителите на Бање разговараше телефонски.
-Жалам што не можев да дојдам бидејќи тоа не го сакаа приштинските власти, им рекол Вучиќ телефонски на жителите на Бање, пренесуваат српските медиуми.
По пристигнувањето во Косовска Митровица, Вучиќ се поклони и положи цвеќе на местото каде беше ликвидиран политичарот Оливер Ивановиќ, по што даде куса изјава.
-Седеа таму пред Бање, три пати се слушнаа истрели, си играа на таму на блокадите. Некои сакаат да подготвуваат пушки, јас нема да ги повикам нашите луѓе на пушки, но на никого нема да му дозволам да пушки да се изживува над нашиот народ, изјавил Вучиќ додавајќи дека жителите се подготвувале за неговата посета и го чекале во народни носии.
Косовскиот министер за надворешни работи Беџет Пацоли објави дека Владата во Приштина била поддржана и од КФОР за одлуката да му се повлече дозволата на Вучиќ за посета на Дреница.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација