Вучиќ: Се надевам нема да има војна, туку решение на косовското прашање
Српскиот претседател Александар Вучиќ, по повод изјавата на косовскиот премиер Рамуш Харадинај дека во случај на поселба на Косово ќе избие нова војна, нагласи дека се надева дека нема да дојде до војна, туку до решение.
- Но, не е решение ако ни кажете – се е наше, а вие само признајте не. Потребен е договор. На луѓето им е тешко, но не може да се одолговлекува. Наш интерес е тоа прашање да се реши, изјави Вучиќ.
Тој додаде дека ќе направи се да се зачува мирот и напредокот на државата и со постигнатото решение да се задоволат државните интереси.
По приемот на младите шахисти од Србија, Вучиќ го прокоментира дијалогот меѓу Белград и Приштина со шаховски јазик.
- И натаму сме во многу тешка ситуација, но има уште по некоја фигура на таблата, па е можно да се бориме и да се обидеме да извлечеме некакво реми, иако ќе биде многу тешко.
- Важно е да се обидеме да го сочуваме мирот и да бараме решение кое не не би го зацрнило образот на Србија, изјави тој.
Косовскиот премиер Рамуш Харадинај денеска се спротистави дури и на споменувањето на поделбата на Косово, односно размената на територии со Србија, и смета дека такво нешто би предизвикало трагедија за целиот Балкан.
- Поделбата за мене значи војна и ова го тврдам недвосмилено, изјави Харадинај во интервју за телевизијата Дукаѓини.
Тој порача дека „во овие околности“ не може да има делба или размена на територии и дека „поместувањето граници претставува голема опасност“.
Во последно време и во Србија и во Косово во медиумите се изнесуваат идеи дека Приштина и Белград би можеле да постигнат конечен договор, кој ќе подразбира и размена на територии.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.