Вучиќ: Регионот под притисок, Русија загрижена
Големите сили повторно ги одмеруваат силите на овие простори, поради што е сосема логично, што ситуацијата во регионот беше тема за која најдолго разговаравме со рускиот претседател Владимир Путин, за време на посетата на Москва, изјави српскиот премиер Александар Вучиќ.
- Кажав дека постои опасност и силен притисок и внатре во многу земји поединечно и во регионот во целина, а исто така нема сомнение дека постои и присуство на различни надворешни фактори со различни влијанија и различни интереси, рече Вучиќ синоќа за Пинк телевизија.
Во разговорот со Путин тој изразил загриженост за стабилноста во регионот.
- Србија успеа да надмине некои елементи на нестабилност. Србија до сега беше најстабилна, но тоа не е гаранција за иднината, забележа Вучиќ и додаде дека токму затоа мора да се работи многу за да се одржи безбедноста.
На прашањето што одговорил Путин на сето ова, српскиот премиер истакна дека тој го повторил усогласениот став на руското раководство и додаде дека тој став јасно бил изнесен и од рускиот министер за ндворешни работи Сергеј Лавров, пренесува Танјуг.
- Мислам дека се мошне загрижени и тоа и можам да го појаснам на начин дека колку што западните сили ја поддржуваат владата на (Зоран) Заев и албанските партии, толку ми изгледа дека рускиот претседател не е на таа страна, оцени Вучиќ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка