-->
-->
Вучиќ порача: Србија никогаш нема да го прифати ултиматумот кој Приштина го постави со усвојувањето на платформата
-->
Српскиот претседател Александар Вучиќ порача дека Србија никогаш нема да го прифати ултиматумот кој Приштина го постави со усвојувањето на платформата за продолжување на преговорите.
Мојот одговор до сите нив е таков – не знам колку ќе останам, бидејќи Харадинај ми се закани дека ќе ме собори од власта, некои наши политички противници убаво ги дочекуваат во Приштина, им помагаат на различни начини, можеби и ќе ме соборат но јас на тие услови никогаш нема да се согласам, порача Вучиќ.
Сега сиктер со таа хартија, бандо од Притшина, каде и да сакате и видете дали некој тоа ќе ви го исполни, Србија нема, кажа тој.
Српскиот претседател кажа дека пред шест месеци го предупредил Брисел дека нацрт платформата на Приштина е вовед во катастрофа на целиот Балкан, а дека Европската Унија го уверувала дека платформата нема да дојде на дневен ред, дека нема да ја изгласаат, а дека денес велат дека „немаат коментар“ за документот.
Ме прашуваат дали ме измамиле. Да, ме измамија, но пред сѐ себеси се измамија, кажа Вучиќ во Сремска Митровица и додаде: Но, не е Србија така мала и слаба како што мислат. Одговорот на барањата на Приштина е јасно „не“.
Вучиќ истакна дека во платформата пишува дека Србија мора да го признае Косово, и тоа веднаш.
И тоа не е доволно, бидејќи пишува дека ако тоа го направиме денес, во границите на денешно Косово, со тоа би се квалификувале еден ден тие да нѐ признаат и да ни простат некои наши гревови. Тоа е предусловот за тие да можат да ја признаат Србија, како да не сме држава, па ни дошло да нѐ признаат. Да не е тажно би било смешно, кажа српскиот претседател.
-->
-->
-->
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка