Вучиќ: Не добив план за Косово, но има некои индикации
Српскиот претседател Александар Вучиќ денеска во Софија изјави дека добил „индикации, начела и принципи“ за решавање на Косово, во кои постојат „пристојни работи", но и решенија со кои тој не се согласува.
Тој нагалси дека Србија бара компромисно решение што ќе ги почитува не само интересите на Србите од Косово, туку и интересите на Србија, додавајќи дека за тоа ќе говори на сите состаноци во Софија.
На прашање на новинарите дали го добил планот на САД за Косово, Вучиќ одговори дека „доколку има нешто со што би бил задоволен, да има нешто за што може да се размисли за добивање каква било поддршка во домашната јавност, ќе излезев пред граѓаните со тоа".
Вучиќ истакна дека никој не му се заканува нему и на Србија и оти со американскиот помошник државен секретар за Европа и Евроазија, Вес Мичел секогаш имал коректни разговори.
- Се работи за политичар кој секогаш коректно ги сосолушува нашите ставови, без оглед на суштинското несогласување околу Косово, рече Вучиќ.
Тој истакна дека Мичел никогаш не му порачал дека ако не го прифати американскиот план, ќе мора да се повлече од власта.
Како што вчера и денес пишуваа белградските медиуми, САД и западните земји доставиле план за решавање на косовскиот проблем до Вучиќ, наведувајќи дека тој бил подобар за Србија од сите претходни, но оти се уште не бил прифатлив за српскиот претседател.
Во составувањето на овој документ, учествувале Мичел, заменичката на високата претставничка на ЕУ за надворешна политика и безбедност Федерика Могерини, Хелга Шмит и претставник на Велика Британија.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто