Вучиќ и Тачи во Брисел во потрага по компромис
Косовскиот и српскиот претседател пристигнаа во Брисел за нова рунда преговори во рамки на дијалогот Белград – Приштина за нормализација на односите под покровителство на високата претставничка за надворешни работи на ЕУ, Федерика Могерини.
Пред почетокот на состанокот, косовскиот претседател Хашим Тачи порача дека ќе се вложат максимални напори за изнаоѓање компромис, јави дописничката на МИА од Брисел.
-Знам дека нема да биде лесно, напротив, има потешкотии, пречки, судири, но постигнувањето компромис е најдобрата можност за приближување на европската перспектива за нашите две земји, порача Тачи.
Могерини ќе оствари средба со Тачи, а потоа со Александар Вучиќ, по што треба да се одржи заедничка работна вечера. ЕУ очекува двете страни да покажат подготвеност за „интензивирање на работата за постигнување правно обврзувачки договор“.
Една од најтешките и најконтроверзните теми во рамки на овој дијалог е можноста за размена на територии иако никој официјално не ја споменува како дел од преговорите.
Состанокот се одвива и во контекст на покачени царини врз увозот на српски и босански производи во Косово, мерка за која ЕУ побара итно разјаснување и смета дека ги нарушува обврските преземени од страна на Приштина во рамки на евроинтегративниот процес.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово