Вучиќ: Брисел бара формирање на ЗСО
Српскиот претседател Александар Вучиќ изјави синоќа во Брисел, по средбата со косовскиот претседател Хашим Тачи, дека Европската унија и порачала на косовската страна дека мора да го исполни договорот за формирање Заедница на српски општини. Сепак тој изрази скептицизам дека тоа и ќе се исполни.
- Албанците ќе речат дека ќе го направат тоа следната недела, по стоти пат. Но тоа нема да се направи, изјави Вучиќ во директното телевизиско вклучување од Брисел, пренесува Танјуг.
Тој посочи дека во текот на разговорите биле анализирани точките од седум до 15 од Бриселскиот договор кои Србија ги исполнила, но дека првите шест кои требало да ги исполни косовската страна - не се исполнети и оти тоа „не е вина само на Албанците“.
Вучиќ изјави дека на високата претставничка за безбедносна и надворешна политика на ЕУ Федерика Могерини и порачал оти Србија е на европскиот пат и дека ќе направи се што може на тој пат, но нема да се укине сама себе.
- Не можете да очекувате Србија да го укине своето постоење, бидејќи сметате дека притисокот е толку силен и оти поради економијата и иднината на нашите деца сами ќе ја укинеме својата државност, раскажа Вучиќ делови од разговорот со Могерини.
Тој потенцираше дека со Албанците мора да се најде компромисно решение за Косово и оти многумина очекуваат тоа да се направи пред новите европски избори, но тој не знае дали до тоа ќе дојде.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.