Втора тв дебата меѓу републиканските претенденти за Белата куќа
Во втората телевизиска дебата меѓу републиканските претенденти за Белата куќа, милијардерот Доналд Трамп беше критикуван поради неговото мало искуство во политиката.
Тој, меѓутоа, ги повика Американците да му поверуваат дека ќе ја врати големината на САД.
На втората средба пред првичните избори во Републиканската партија беа поканети 11 кандидати да говорат во претседателската библиотека Роналд Реган во Калифорнија.
Поранешната извршна директорка на Хјулит Пакард, Карли Фиорина, единствена жена меѓу републиканските претенденти, ги коментираше изјавите на Трамп, изјавувајќи: „Сите жени во земјата јасно слушнаа многу од тоа, што тој го кажа“. Трамп на тоа одговори; „Мислам дека таа е убава жена“.
На прашањето, поврзано со Русија, сенаторот од Флорида Марко Рубио рече дека рускиот претседател Владимир Путин се обидува да ги помести САД како прва сила на Блискиот Исток, а неговиот американски колега Барак Обама му дозволува тоа да го прави.
За темата за нуклеарниот договор со Иран, сенаторот Тед Круз се закани да го искине на парчиња „тој катастрофален договор“.
Сенаторот од Кентаки Ранд Пол рече дека ќе биде многу загрижен, ако Трамп биде одговорен за американскиот нуклеарен арсенал, имајќи предвид колку невнимателни изјави прави. - Сакаме ли некој со таков речник, и карактер, да преговара со Путин?, праша тој.
Ново на Сител
-
Серија земјотреси на Света гора – најсилниот 4,6 степени
-
Македонија денеска ги дознава своите ривали на патот кон Светското првенство во 2026 година
-
Кикбоксот има 6 номинации од вкупно 6 категории за индивидуалниот македонски спорт
-
Дополнителни 6 000 денари за 1 000 килограми откупена оризова арпа и 18 000 денари субвенции за хектар
-
Запленети околу четири тони марихуана во валандовско | ФОТО
-
АХВ: Од „тобако“ во Скопје уништени околу два тони небезбедна храна
-
Молдавија воведува 60-дневна вонредна состојба поради енергетската криза
-
Николоски: Уште шест нови авиолинии до крајот на годината