Втор круг од претседателските избори во Австрија
Австријците денеска ќе гласаат на вториот круг од претседателските избори. Во првиот круг кандидатот на антиисламиската и евроскептичната Слободарска партија, Норберт Хофер освои 35 отсто од гласовите, а неговиот противкандидат Александер ван дер Белен, независен кандидат со поддршка на Зелените, освои 21 проценти.
Двајцата лесно ги победија кандидатите на Социјалдемократската и на Народната партија, кои доминираат на австриската политичка сцена по Втората светска војна.
Тоа предизвика потрес меѓу владејачките социјалдемократи, па канцеларот Вернер Фајман беше принуден да поднесе оставка, а го наследи Кристијан Керн.
Претседателот на Австрија има церемонијална улога, но теоретски може да ја распушти Владата и да предизвика политичка криза во земјата. Тој исто така е врховен командант на австриските Вооружени сили.
- Австрија е еден чекор од тоа да стане прва земја членка на Европска унија во која претседател ќе биде припадник на екстремната десница, што е последица на се поголемото незадоволство од политичкиот естаблишмент и мигрантската криза, објави претходно весникот „Њујорк тајмс“.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари