Втор ден протести на Нов Зеланд
На Нов Зеланд втор ден по ред се одржуваат демонстрации против епидемиолошките мерки, а над стотина демонстранти кампираат пред Парламентот.
Инспирирани од големите протести против задолжителната вакцинација во Канада, новозеландските демонстранти го присвоија мотото „Конвој на слободата“ и ги блокираат улиците во Велингтон.
Бројот на демонстрантите денеска е намален во однос на вчера, а околу Парламентот има околу сто полицајци.
Новозеландските парламентарци во голема мерка ги игнорираат протестите, а според локалните медиуми ниту еден пратеник не се сретнал со демонстрантите, што беше случај за време на претходните собири.
Во Нов Зеланд од почетокот на пандемијата регистрирани се 53 смртни случаи и околу 18.000 инфицирани помеѓу популација од пет милиони жители.
Граѓаните на Нов Зеланд не се задоволни од долготрајните епидемиолошки ограничувања, меѓу кои десетдневна изолација, задолжителна вакцинација за некои категории на населението.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април