Македонија
17. July 2017 - 8:07

Времето се промени, по пеколот дожд - до кога ќе врне?

Променливо облачно и свежо време ќе преовладува во Македонија. Претпладне во јужните делови се уште ќе има локален дожд. Ќе дува умерен до засилен северен и североисточен ветер.

Минималната температура ќе се движи од 10 до 18 степени, а максималната од 19 до 26 степени. УВ индексот ќе биде 6.

Во Скопје ќе биде променливо облачно со умерен повремено засилен северен ветер. Во утринските часови ќе има услови за слаб дожд. Температурата ќе се двиќи од 14 до 24 степени.

Од вторник следува период на стабилно време со пораст на дневната температура, која во деновите од викендот на места ќе го надмине 35-тиот степен, а УВ индексот повторно ќе има многу висока вредност 9.