Врачено уверението за градоначалник на Дебар на Хекуран Дука
Претседателот на Општинската изборна комисија, Рилинд Хаса, му го врачи уверението за градоначалник на Дебар на Хекуран Дука, кој и во изминатите две и пол години беше на оваа функција, посакувајќи му добро здравје и успешна работа.
-Сакам да упатам голема благодарност до сите граѓани на општината за демократскиот изборен процес. Како и до сега и понатаму ќе бидам градоначалник на сите независно од етничка, партиска и друга припадност. Како лекар мое начело е никого да не вратам назад кој побарал услуга. Тоа го почитував и претходните години, а тоа ќе го правам и во овој мандат, како татко на градот. Вратата на мојот кабинет ќе биде отворена за сите. Како што ветив продолжуваме со реализација на веќе започнатите, но и работиме на нови проекти. Сето тоа во интерес на сите граѓани и за еден наш заеднички подобар Дебар, рече меѓу другото Дука.
За избор за градоначалник во Дебар беа одржани два круга, а беше повторено гласањето во едно гласачко место во градот.
Дука, кој е кандидат на ДУИ подржан од СДСМ и коалицијата, беше избран во вториот круг со 138 гласови повеќе од неговиот против кандидат Беким Поцеста, кандидат на Алијанса за Албанците/Алтернатива, подржан од ВМРО -ДПМНЕ, кој освои 4.153 гласови.
Хекуран Дука е роден 1963 година во Дебар, оженет, татко на три деца. Средно образование завршил во родниот град, дипломирал на Медицински факултет во Скопје, каде завршил специјализација по урологија. Вработен е во Општата болница со проширена дејност во Дебар од 1994 година.
Минатата недела ОИК им ги врачи уверенијата на 15-те членови на Советот на општината, во кој 6 советници има ДУИ, 5 АА/Алтернатива и по двајца СДСМ и ВМРО-ДПМНЕ. Советот се уште не е конституиран.
Ново на Сител
-
Бајден го потпиша законот за ТикТок
-
ДИК: Првичните неофицијални резултати ДИК ќе ги соопшти околу полноќ
-
Дачиќ: Потезите на Словенија ги нарушуваат односите
-
Најголема излезност во Карпош: Пресек на излезеноста во скопските општини до 17 часот
-
Во Општина Тетово до 17 часот гласале 34.466 луѓе или 40,53 отсто од вкупниот број гласачи
-
Хамас објави видео од израелско-американски заложник
-
Русија и Украина договорија размена на деца одвоени од своите семејства
-
Даштевски: Има прекин на 3 места во Куманово