Бизнис
2. May 2018 - 21:04

Вработените на „Еурокомпозит“ не постигнаа договор со Владата

- Вработените во „Еурокомпозит“ кои протестираат пред Владата во Скопје, не постигнале договор со премиерот Зоран Заев на попладневната средба.

Според Роберт Богданоски, претседател на синдикатот на „Еурокомпозит“ точка на сопнување бил рокот за исплата на платата за вработените.

- Остваривме средба со премиерот Заев. Се согласуваме на предлогот во рок од три месеци да тече постапката за решавање на состојбата со фабриката, да се распише тендер и да се објави за да се пријават стратегиски партнери зашто имало три-четири заинтересирани комапнии. Во меѓувреме да тече и постапката за 100 до 120 вработени да заминат технолошки вишок. Единствено не се согласуваме за исплата на платата во рок од 30 дена. Доколку ни се исплати плата веднаш, ние ќе се вратиме на работните места, ни изјави Богданоски, потврдувајќи дека остануваат на протест пред Владата.