Впечатливи „Фрагменти“ на скулпторот Башески во Прилеп
Впечатливата изложба „Фрагменти“ на македонскиот скулптор Жарко Башески синоќа беше отворена во ликовната галерија на Центарот за култура „Марко Цепенков“ во Прилеп. Публиката беше љубопитна да ги види скулптурите на Башески, изработени од полиестер, силикон, текстил.
Според Викторија Димеска, историчар на уметност, која ја отвори изложбата, делата се создавани во различни периоди, а Башески конструира минијатури, скулптури со човечки размери и хипер-реалистични фигури.
– Користејќи се со материјали како стаклена волна, силикон, полистер, акрилик, природни влакна и текстил, Башески конструира минијатури, скулптури со човечки размер и хипер реалистични фигури. Преку веродостојната и експресивна моќност на реалистичната претстава, односно нераскинливата врска меѓу физичкиот стимул и психичката состојба на фигурата, авторот ја ослободува скулптурата од нејзиниот традиционален концепт и нуди интепретација и релација меѓу делото и определениот простор, рече Димеска.
Управувајќи со фигурата, како во куклена претстава, Димеска вели дека Башески ја режира и ја поставува сцената, вовлекувајќи го посетителот во прецизна, директна и активна интеракција со реанимираната фигура, при што, секој поединечно, фигурата и посетителот, ја изведува и артикулира сопствената улога,
Изложбата „Фрагменти“ на Жарко Башески ќе биде отворена 20-ина дена.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање