Свет
25. September 2021 - 19:28

ВОЗНЕМИРУВАЧКО ВИДЕО: Талибанците на градските плоштади обесија тела на наводни киднапери

Талибанците на плоштад обесија тела на четворица мажи за кои тврдат дека биле киднапери од различни делови на градот Херат на западот на Авганистан.

Заменикот гуверенер на покраината соопшти дека луѓето биле убиени во директен судир со талибанските борци откако киднапирале трговец и неговиот син кои подоцна биле спасени.

„Нивните тела се обесени на градските плоштади како пример за останатите киднапери. Обесени се за никој повторно да не се обиде да направи ваков криминал“ – велат властите.

На видеото објавено на соијалните мрежи се гледа телото на еден човек целото во крв и ланци, обесено на дигалка на главниот плоштад во градот Херат.

На видеата кои се објавени се гледа дека локалните жители мирно го посматраат настанот и снимаат со мобилните телефони.