Свет
3. March 2021 - 13:22

ВОЗНЕМИРУВАЧКО ВИДЕО: Пет студенти загинаа откако се сруши ограда на факултет во Боливија

Најмалку пет студенти загинаа во Боливија кога паднаа од четвртиот кат од зградата на Универзитетот „Ел Алто“ во град недалеку од Ла Паз.

Несреќата се случила кога се срушила оградата на балконот. Видеото покажува голема група студенти кои се собираат на балконот кога оградата попуштила и студентите паднале.

„Досега имаме информации дека пет студенти загинале, а тројца се на интензивна нега“, изјави министерот за внатрешни работи, Едуардо дел Кастилјо.

Несреќата се случила во зградата на Факултетот за финансии, каде што студентите во тој момент имале состанок.

Од терасата паднале најмалку осум студенти.