Балкан
6. October 2017 - 11:25

Вознемирувачки фотографии од страотната сообраќајка: Момче загина пред куќниот праг, автомобилот преполовен

Во страотна сообраќајна несреќа во четвртокот околу 22.30о часот во местото Хамповица во Хрватска загина момче (28) од тоа место. Настрадал на само неколку метри од куќата во која живеел.

До несреќата дошло, според копривничката полиција која изврши увид, поради неприлагодена брзина. Возачот излетал од патот, удрил во пристапниот мост, сообраќаен знак и бетонски столб од електричната мрежа кој потоа го урнал. Возачот од здобиените повреди починал на самото место.

За каков силен удар станува збор најдобро покажуваат фотографиите кои се објавени на Фејсбук. Автомобилот од силината на ударот целосно е смачкан и непрепознатлив, зошто при слетувањето од патот се забил во бетонски столб и го срушил. Автомобилот притоа практично се преполовил.