Возило излета од автопатот Тетово-Гостивар, возач и млада сопатничка тешко повредени
Возач на автомобил и неговата сопатничка утрово се пренесени на скопските клини со тешки телесни повреди, откако излетале од коловозот на автопатот Тетово-Гостивар.
Според информациите од СВР Тетово, сообраќајната несреќа се случила утрово околу два часот во близина на „тумчевишкиот надвозник“. Автомобил „БМВ“ што го управувал Ј.Р. (25) од скопско Грчец, загубил контрола и излетал во околните ниви, превртувајќи се неколку пати. Во несреќата со тешки повреди се задобила и сопатничката К.П. (29) од Берово. Двајцата, првин биле згрижени во ургентното одделение во гостиварската болница, од каде како итни случаи се пренесени на скопските клиники.
Увид на местото извршила екипа на СВР Тетово, по овластување на јавен обвинител. Првично, причина за несреќата е неприлагодена брзина, а вкупната штета се проценува на над 300 илјади денари.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари