Возење велосипед низ Скопје за почист град
Од плоштадот „Македонија“ денеска во 17.30 часот ќе почне 43-та критична маса на тема „Здрав транспорт за здрави градови!“
Организатор е „На точак“-неформална група скопски велосипедисти, оформена првично преку социјални мрежи. Цел на „На точак“ и на организирањето критична маса во Скопје е популаризација на велосипедот како урбано превозно средство. Критична маса е возење велосипед и се создава кога група велосипедисти ќе се соберат на едно место и заедно се возат по улиците од нивниот град.
Освен во Скопје, на истата тема ќе се вози во повеќе градови и во различни термини. Денеска ќе се вози и низ Прилеп, а се тргнува од 17.30 часот од пред споменикот Александар Македонски. Утре ќе се вози во Битола и Штип, а в недела во Гостивар.
Организаторот апелира до надлежните дека е потребно да се обезбеди простор за сите начини на транспорт (пешачење, возење велосипед, јавен превоз, автомобил), со предност на одржливите начини на транспорт, овозможување повеќе опции и побрзо стигнување со незагадувачкиот здрав транспорт (пешачење, возење велосипед) и јавниот транспорт.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили