Балкан
4. September 2015 - 9:40

Возачот на „камионот на смртта“: Не знаев дека превезувам луѓе

Цветан Цветанов, возачот на камионот-ладилник, во кој беа пронајдени телата на 71 мигрант изјави на суд дека не знае дека во херметички затвореното возило превезувал луѓе.

Тој на сослушувањето во бугарскиот суд негираше дека имал какви било сознанија за товарот кој го превезувал.

На Цветанов му е продолжен притворот, а уште пет мина мажи, четворица Бугари и Авганистанец, пртворени се во Унгарија во врска со овој случај.

На 27 август во камион-ладинлник оставен на автопат во Австрија беа пронајдени телата на 71 мигрант. Меѓу жртвите имаше четири деца, а државното обвинителство на оваа земја треба да ги соопшти резултатите од обдукцијата на жртвите кои најверојатно починале од задушување.