Возач на ЈСП ги затворил вратите додека патник излегувал, мажот со повреди пренесен во „8 Септември“

Во Секторот за внатрешни работи Скопје од Градската општа болница „8-ми Септември“ вчера било пријавено дека кај нив било донесено повредено лице од сообраќајна незгода, кое било патник во автобус на ЈСП-Скопје- Д.З. (62) од Скопје.

-Тој пријавил дека истиот ден околу 10,30 часот како патник се возел во автобус на ЈСП-Скопје со бр.7 во насока од населбата Лисиче кон населбата Карпош и кога автобусот дошол на автобуска постојка кај Градежен факултет на булеварот „Партизански Одреди“ запрел, а Д.З. додека се симнувал, возачот ги затворил вратите и Д.З. бил притиснат од врата, по што паднал на тротоарот, соопштуваат од МВР.

Се работи на целосно расчистување на случајот.