Македонија
18. February 2019 - 10:59

Воз удрил во карпа, во прекин сообраќајот на пругата Кичево

Патничкиот воз што сообраќа на линијата Кичево – Скопје изутринава удрил во карпа, која најверојатно паднала на шините во близина на селата Лакавица и Падалишта, Гостиварско. Повредени нема, но има материјална штета и во прекин е сообраќајот на тој дел од пругата.

Во полициската станица Гостивар утрово во 6:45 било пријавено дека патничкиот воз што тргнал од Кичево удрил во карпа на потегот помеѓу селата Лакавица и Падалишта. Од ударот композицијата излетала од шините.

По пријавувањето на местото на настанот е упатена екипа за увид, кој треба да започне наскоро.

Согласно со стандардната процедура, со помошен воз треба да се врати гарнитурата на шините, по што ќе се утврди оштетувањето на пругата.