Балкан
3. јуни 2019 - 21:21

Вонредна ситуација во регионот, мештаните евакуирани- децата не можат да стигнат до училиштата

Вонредна ситуација е воведена на територијата на Србија поради поплавите низ целата земја и поради актуелни прогнози за порастот на водостоите на територијата на целата земја, кои ги издал Републичкиот дирометеоролошки завод.

Селото Вича е целосно под вода, спасувачките екипи се на терен со механизација од рано утринава, јавува репортер на ТВ Прва, кој кажал дека бил запрепастен од глетката која ја затекнал.

Претседателот на општината вели дека неколку села во таа област се под вода. Според тоа што тој го кажал, силниот дожд почнал да врне уште во 5 часот утринава, а наредба за евакуација била издадена во 06:30 часот, меѓутоа не биле сите жители евакуирани.

На снимките објавени во медиумите се гледа огромна количина на вода која го поплавила цело село.